Regjimi klerik ka varur masivisht të paktën 5 nga 12 të dënuarit me vdekje të transferuar në izolim në burgun e Gohardashtit në Karaj të martën, më 22 shkurt 2022.
Në të njëjtën kohë, një i burgosur kurd 30-vjeçar i quajtur Farshad Farzi, banues në Malekshahi, Ilam, u var në burgun qëndror të Ilamit pas tetë vitesh burg. Më 21 shkurt, një i burgosur në Mashhad dhe një i burgosur në Kashan, dhe më 16 dhe 19 shkurt, dy të burgosur u ekzekutuan përkatësisht në burgjet qëndrore të Isfahanit dhe Zahedanit. Ndërkohë të enjten e datës 24 shkurt është vetëvrarë në burgun e Lakanit në Rasht, Ali Rezaei, 18 vjeç, i dënuar me vdekje.
Vazhdimi i ekzekutimeve arbitrare në prag të seancës së ardhshme të Këshillit të OKB-së për të Drejtat e Njeriut pohon se regjimi klerik nuk do të zgjasë asnjë ditë pa represion, ekzekutim dhe torturë. Rezistenca iraniane u kërkon përsëri Kombeve të Bashkuara dhe të gjitha agjencive përkatëse, si dhe Bashkimit Evropian dhe shteteve të tij anëtare të ndërmarrin veprime urgjente për të shpëtuar jetën e të dënuarve me vdekje.