Wednesday, July 24, 2024

Demonstratat masive në Zahedan: Thirrje kundër shtypjes dhe ekzekutimit

Demonstrata masive në Zahedan me parullat: “Vdekje Khamenei-t”, “Vdekje IRGC-së”, “Monarkia, Teokracia: Një shekull krimi”, “Vdekje shtypësit, qoftë Shah apo Udhëheqësi (Khamenei),” “Ne nuk duam qeverinë e ekzekutimit”. Sot, populli i guximshëm i Zahedanit tregoi vendosmërinë e tij të palëkundur për të rezistuar ndaj regjimit shtypës, pavarësisht nga prania e madhe e forcave represive dhe masave të rritura të sigurisë. Pas namazit të xhumasë, ata dolën në rrugë sërish për të denoncuar ekzekutimet, represionin dhe plaçkitjen e pa frenë të regjimit. Banorët e Zahedanit brohorisnin parullat e fuqishme, si “Vdekje Khamenei”, “Vdekje diktatorit”, “Vdekje IRGC”, “Liri, liri, liri”, “të burgosurit politikë duhet të lirohen”, “Unë do të vras kushdo që vrau vëllanë tim”, “Nga Zahedan në Teheran, jeta ime do të sakrifikohet për Iranin”, “Nuk e duam qeverinë e ekzekutimit, nuk e duam atë”, “Vdekje sundimit të fëmijëvrasjes” dhe “Kurd, Baluç dhe Azari, liri dhe barazi”. Të rinjtë e guximshëm mbanin pankarta me shkrimet, “Vdekje shtypësit, qoftë Shah apo Udhëheqësi (Khamenei), “As monarki, as udhëheqje; demokracia dhe barazia”, dhe “Monarkia, Teokracia: Një shekull krimi”. Zonja Maryam Rajavi, Presidentja e zgjedhur e Këshillit Kombëtar të Rezistencës së Iranit (NCRI), theksoi se kryengritja e sotme e popullit trima dhe të zellshëm i Zahedanit, pavarësisht nga rekordi alarmant i regjimit prej 146 ekzekutimeve kriminale në muajin e kaluar, me Baluçët si bashkëatdhetarët që mbajnë barrën, nënkupton edhe një herë vendosmërinë e palëkundur të popullit. Nga Zahedan në Teheran dhe Ilam, populli iranian ka shfaqur vullnetin e tij të vendosur për liri dhe fitorja e tyre përfundimtare është e pashmangshme. Sekretariati i Këshillit Kombëtar të Rezistencës së Iranit (NCRI)- Paris 2 Qershor, 2023