Tuesday, January 31, 2023

Deklaratë e Këshilltarit të Sigurisë Kombëtare Jake Sullivan mbi kërcënimet dhe provokimet iraniane kundër qytetarëve amerikanë

 

US National Security Advisor Jake Sullivan-minDEKLARATA DHE NJOFTIME

Dje, Irani tentoi të vendoste sanksione ndaj 51 amerikanëve. Ata bënë këtë teksa militantët e Iranit vazhdojnë të sulmojnë trupat amerikane në Lindjen e Mesme dhe ndërsa zyrtarët iranianë kërcënojnë të kryejnë operacione terroriste brenda Shteteve të Bashkuara dhe gjetkë në botë. Mos bëni asnjë gabim: Shtetet e Bashkuara të Amerikës do të mbrojnë dhe do të mbështesin qytetarët e tyre.

Kjo përfshin ata që i shërbejnë Shteteve të Bashkuara tani dhe ata që i kanë shërbyer më parë. Si amerikanë, ne kemi mosmarrëveshjet  tona për politikën. Ne kemi mosmarrëveshjet tona për politikën e Iranit.

Por ne jemi të bashkuar në vendosmërinë tonë kundër kërcënimeve dhe provokimeve. Ne jemi të bashkuar në mbrojtjen e popullit tonë. Ne do të punojmë me aleatët dhe partnerët tanë për të penguar dhe për t’iu përgjigjur çdo sulmi të kryer nga Irani.

Nëse Irani sulmon ndonjë nga shtetasit tanë, përfshirë ndonjë nga 51 personat e përmendur dje, Irani do të përballet me pasoja të rënda.