Ali Mostashari, i cili ra dëshmor gjatë sulmit në Ashraf 3, më 20 qershor 2023, ishte në një gjendje të pastër shëndetësore pa asnjë sëmundje themelore, siç dëshmohet nga të dhënat dhe dokumentet mjekësore.
Ekzaminimet e rregullta të zemrës, duke përfshirë elektrokardiogramat dhe testet rutine të kryera në nëntor 2022, shtatë muaj para martirizimit të tij, nuk tregojnë shenja të ndonjë problemi kardiak. Për më tepër, të gjitha testet e kryera gjatë 18 muajve të fundit, duke përfshirë ato që lidhen me tiroiden, funksionin e veshkave, funksionin e mëlçisë, kolesterolin, diabetin, ekzaminimin e kancerit të zorrës së trashë dhe ekzaminimet gastrointestinale, dhanë dëshmi për shëndetin e tij të shkëlqyer. Të dhënat e këtyre testeve janë të disponueshme dhe mund t’i paraqiten çdo autoriteti ndërkombëtar.
Ndryshe nga sa pretendohet, Aliu nuk ishte 78 vjeç; në datëlindjen e tij shënohet viti 1967 në kartën e qëndrimit të lëshuar nga Ministria e Brendshme e Shqipërisë në vitin 2020.
Rezistenca iraniane është e përgatitur të bashkëpunojë me një hetim ndërkombëtar për martirizimin e Ali Mostashari-t.
Përveç sigurimit të të gjitha dosjeve dhe dokumenteve mjekësore, Organizata e Muxhahedinëve të Popullit të Iranit (PMOI/MEK), dëshmitarët e skenës, personeli mjekësor i Ashrafit dhe komitetet gjyqësore dhe shëndetësore dhe mjekësore të NCRI do të bashkëpunojnë me këto hetime.
Sekretariati i Këshillit Kombëtar të Rezistencës së Iranit (NCRI – PARIS)
27 Korrik, 2023