Wednesday, February 1, 2023

Strategjia e Sigurisë Kombëtare e Shteteve të Bashkuara lidhur me regjimin e Iranit është e ashpër

NCRI – Në strategjinë e parë të sigurisë kombëtare të Donald Trump (NSS), ai me të drejtë e konsideron regjimin iranian si “shtet mashtrues” që kërcënon interesat amerikane në Lindjen e Mesme.

Ky dokument prej 55 faqesh, i publikuar të hënën, bazohet në fjalimet e Trumpit mbi politikën e jashtme që nga marrja e detyrës dhe insiston që SHBA ka një përgjegjësi për të siguruar që Lindja e Mesme të mos bëhet një terren ushqyes për terrorizmin apo të dominohet nga një forcë që është armiqësore ndaj Shtetet e Bashkuara.

NSS thotë: «E keqja e botës së sotme është një grup i vogël  regjimesh mashtruese që shkelin të gjitha parimet e shteteve të lira dhe të civilizuara. Sa më shumë që injorojmë kërcënimet nga vende të  vendosura për të përhapur dhe zhvilluar armë të shkatërrimit në masë, aq më të rrezikshme bëhen këto kërcënime dhe aq më pak opsione mbrojtëse kemi “.

Ky dokument shpesh shërben si një parashikues për politikën e jashtme të ardhshme të SHBA-së dhe shumë e shohin këtë si dëshmi se SHBA do të bëhet më e ashpër ndaj regjimit iranian.

Jack Detsch, ekspert në marrëdhëniet SHBA-Lindje e Mesme, shkroi: “Strategjia e të hënës mund të japë një ide se si do të zhvillohet fushata e presionit të administratës Trump gjatë vitit të ardhshëm. Ai citoi përpjekjet e Iranit për të rritur ndikimin e tij përmes grupeve të të lidhura me të, përhapjes së armëve dhe një riangazhimi në programin e raketave balistike, aktivitete që kanë vazhduar të pandërprera që nga marrëveshja bërthamore e vitit 2015 “.