Tuesday, January 31, 2023

Politikanë të Shteteve të Bashkuara kritikojnë Evropën për reagimin e saj ndaj protestave të Iranit

 NCRI – Këshilltari i Shtëpisë së Bardhë dhe ish-Kryetari i Dhomës së Përfaqësuesve të Shteteve të Bashkuara, Newt Gingrich ka kritikuar vendet evropiane për përgjigjen e tyre joadekuate ndaj kryengritësve të vazhdueshëm të popullit në Iran dhe i akuzoi ata se i fshihen realitetit në përpjekje për të ruajtur marrëveshjet tregtare.

Ai tha: “Disa vende evropiane më në fund kanë filluar të pranojnë dhe të thonë publikisht sa i keq është [Regjimi], por ende ekziston një tendencë në Evropë për t’u fshehur nga realiteti kur mendojnë se mund t’u hapë punë. Qeverive të vendeve që kanë një ndjenjë mirësjelljeje duhet t’ju bëhet thirrje për të dënuar dhe për të refuzuar të tolerojnë këtë lloj qëndrimi [nga regjimi]. Për herë të parë në dy javët e fundit, kam parë qeveri evropiane, të cilat historikisht nuk do të kishin bërë asgjë, të ndihen më në fund në siklet dhe të detyrohen të thonë diçka “.

Gingrich i bëri këto komente pas takimit të tij të fundit me grupin e rezistencës iraniane, Këshillin Kombëtar të Rezistencës së Iranit (NCRI) në Paris, që foli për çështjen urgjente të ndryshimit të regjimit në Iran, ndërsa protestat kombëtare kundër regjimit vazhdojnë.

Gingrich tha: “Mendoj se me gjasë [diktatura iraniane] nuk do të mbijetojë, por nuk mund të thuhet kur. Askush nuk mund të thoshte pesë vjet [përpara se Bashkimi Sovjetik të shembej se ai do të shpërbëhej. Do të çuditesha nëse diktatura mbijeton edhe një brez tjetër, por nuk do të çuditesha nëse mbijeton edhe për katër apo pesë vjet “.

Deri më tani gjatë protestave, që janë përhapur në 142 qytete dhe në të gjithë krahinat në Iran, të paktën 50 njerëz janë qëlluar për vdekje nga forcat e sigurisë dhe 8,000 janë arrestuar dhe kërcënuar me dënim me vdekje, sipas Organizatës Popullore të Muxhahidëve të Iranit (MEK). Disa të burgosur tashmë janë torturuar deri në vdekje.

Gingrich tha: “Diktatura aktuale në Iran padyshim është mbajtur me frikë dhe tortura … Khamenei ka pësuar një humbje të jashtëzakonshme morale … niveli i pakënaqësisë në Iran dhe niveli i refuzimit të diktaturës është më i lartë sot se kurrë më parë. Administrata amerikane nuk ka asnjë iluzion se ka një krah të moderuar në diktaturë. “

Presidentja e NCRI Maryam Rajavi gjithashtu bëri thirrje për një hetim të pavarur të këtyre krimeve brutale.

Ajo tha: “Populli ynë i bën thirrje Kombeve të Bashkuara dhe të gjitha qeverive që të ushtrojnë presion mbi regjimin klerikal për të liruar të arrestuarit në protestat e kohëve të fundit dhe të japin llogari për ata që janë zhdukur. Kombet e Bashkuara duhet të formojnë një komision hetimor për të hetuar arrestimet arbitrare të mijëra njerëzve dhe vrasjen e të burgosurve nën torturë “.

Natyrisht, regjimi iranian ka vendosur të fajësojë për protestat këdo, veçanërisht MEK-ut dhe qeveritë huaja, përveç vetes të tij. Kjo është për shkak se ata janë të frikësuar nga ndikimi që ka Rezistenca.

Gingrich tha: “Frika e regjimit ndaj rezistencës po rritet për një arsye praktike. Rezistenca ka mbijetuar. Ajo ka duruar. Ajo ka vazhduar me misionin e saj dhe regjimi nuk ka qenë në gjendje ta ndalë. Rezistenca po bën një ndryshim. MEK po bën një ndryshim. Nuk kam asnjë dyshim se në fund të fundit jeni në anën e drejtë të historisë “.

Sa për mënyrën se si duhet të veprojë bashkësia ndërkombëtare, Gingrich këshilloi mbështetjen e vazhdueshme të popullit iranian dhe përpjekjet për të rritur aftësinë e tij për të komunikuar në muajt e ardhshëm.

Gingrich tha: “Shtetet e Bashkuara duhet të adoptojnë një strategji për të maksimizuar mundësinë e protestuesve për t’u organizuar dhe për të komunikuar, pa marrë parasysh se çfarë bën diktatura iraniane për të ndërprerë telekomunikimin … Puna jonë është të ushtrojmë presionin maksimal për të rekrutuar të rinjtë, për të fuqizuar të rinjtë dhe për të bërë gjithçka që mundemi për t’i ndihmuar për të qenë efektivë dhe për t’i ndihmuar ata të mbijetojnë “.