Tuesday, January 31, 2023

A është Irani në prag të një revolucioni të ri?

 

Iran, 10 gusht, 2018 – Regjimi i mullahëve në Iran po merr masa shtypëse kundër protestuesve në mbarë vendin, paralelisht me imponimin e sanksioneve të rënda ekonomike nga qeveria amerikane. Kjo gjë e vendos Teheranin në një situatë shumë të vështirë dhe ekspertët besojnë se regjimi po përpallet me një revolucion të ri iranian.

Në rrjetet sociale mund të shihen përsëri skenat e iranianëve tek thërrasin “Vdekje diktatorit”, sidomos tani që një raund i ri protestash ka nisur në mbarë vendin në muajin gusht me njerëzit që shprehin urrejtjen e tyre për regjimin e mullahëve dhe për ekonominë e amullt.

 

 

Protestuesit shihen tek u vënë zjarrin gomave të makinave për t’u mbrojtur nga forcat e sigurisë

 

Burimet e PMOI/MEK brenda vendit raportojnë se si një djalë i ri është qëlluar për vdekje natën e së premtes së shkuar nga forcat represive të regjimit në qytetin Karaj, që ndodhet jashtë kryeqytetit Teheran. Gjithashtu, është arrestuar një numër i madh protestuesish.

Të dielën, protestuesit e guximshëm u përplasën me njësitë e regjimit në Karaj duke thirrur: “Çmimet e larta dhe inflacioni, mjerimi i popullit.

“Vdekje çmimeve të larta. Mos kini frikë. Mos kini frikë. Jemi të gjithë bashkë. Iranianë të nderuar, mbështetje, mbështetje.”

Ata thërrisnin gjithashtu: “Vdekje ose Liri.”

 

 

 

Shtëllunga tymi mbushin rrugët e qytetit teksa iranianët e guximshëm përplasen me njësitë e regjimit

 

 

 

 

Një turmë e madhe shihet në Mashhad, Iran, tek proteston kundër regjimit në tërësinë e tij

 

Presidenti amerikan Donald Trump ka rivendosur sanksionet ekonomike mbi regjimin iranian, masa të cilat ishin hequr nga pakti shumë i mangët bërthamor i firmosur nga Barack Obama.

Në momentet që flasim, iranianët e pakënaqur e shohin se protestat dhe nisja e një revolucioni të ri janë e vetmja zgjidhje për situatën e tyre aktuale.

Pavarësisht nga shtypja masive, arrestimet e përditshme dhe ekzekutimet që përdoren për të krijuar një atmosferë frike, vazhdimësia dhe shpeshtësia e protestave gjatë 2018-ës reflektojnë qartë një realitet domethënës.

Iranianët po e kuptojnë më mirë se kurrë më parë se ndryshimi i regjimit nga populli është e vetmja zgjidhje. Përkrah njësive të rezistencës së PMOI/MEK brenda vendit, ky komb që është gati për të shpërthyer është i vendosur t’i japë fund regjimit të mullahëve.

Status quo-ja tregon se regjimi iranian është në prag të humnerës dhe se ndryshimi i regjimit nuk ka qenë kurrë më i prekshëm.

Është koha tashmë që komuniteti ndërkombëtar t’i qëndrojë përkrah popullit iranian në luftën e tyre për liri dhe demokraci.

Protestat janë përhapur në Isfahan, në Iranin qendror, Mashhad, në veri-lindje të vendit, në qytetin jugor Shiraz e më tej.

Një zyrtar i lartë i Trump ka thënë për Fox Neës se sanksionet e rivendosura janë të dizenjuara në mënyrë të tillë që t’i kufizojnë paratë që regjimi iranian përdor për të financuar “terroristët, diktatorët, militantët proksi, si dhe miqtë e regjimit.”

Sanksionet e rivendosura kanë në shënjestër transaksionet financiare të dollarëve amerikanë, sektorin automobilistik të Iranit, si dhe blerjen e avionëve komercialë dhe metaleve, duke përfshirë arin.

Sanksione edhe më të rënda janë planifikuar të rikthehen në nëntor, të cilat kanë në shënjestër sektorin e naftës së Iranit dhe bankën qendrore të tij.