Dritat e qytetit janë të zbehta, mezi mund të shohësh disa metra përpara dhe tingujt e kollitjes së përsëritur jehojnë në të gjithë rrugën. Mjegullnaja dhe ajri i ndotur përgatiten t’i privojnë iranianët nga liria e tyre e fundit: frymëmarrja.
Shumë shkolla dhe punishte janë mbyllur ditët e fundit për shkak të niveleve të rrezikshme të ndotjes së ajrit.
Ndryshimet klimatike kanë prekur të gjithë botën, përfshirë Iranin. Në pamje të parë, ndotja e rrezikshme e ajrit dhe problemi i mjegullës në Iran janë pjesë e një krize globale, por një vështrim më i afërt tregon shenjat e gishtave të mullahëve.
Më 17 maj, media shtetërore e Iranit citoi agjencinë e kontrollit të cilësisë së ajrit të vendit, duke identifikuar Teheranin si “qytetin më të ndotur në mbarë botën”.
“Indeksi i ndotjes së ajrit në Teheran sot ishte në 441 dhe cilësia e ajrit ishte e rrezikshme. Tani indeksi u ul në 226, i cili është ende shumë i rrezikshëm,” raportoi faqja e internetit shtetërore Fararou.
Bazuar në Indeksin e Cilësisë së Ajrit, i cili mat dendësinë e ndotësve, Irani është një vend ku njerëzit mezi marrin frymë.
