Ish-kryeministri slloven z. Janez Jansha u dërgoi një video-mesazh protestuesve të guximshëm iranianë dhe shprehu disa fjalë inkurajuese për rëndësinë e rezistencës së tyre dhe sesi integrimi i Njësive të Rezistencës brenda shoqërisë iraniane po siguron qëndrueshmërinë e kryengritjes.
Zoti Jansha tha: “Të dashur trima iranianë. Fillimisht dua t’ju përgëzoj për ngritjen kundër diktaturës fetare. Fatkeqësisht, më shumë se katërqind demonstrues janë vrarë që nga mesi i shtatorit si rezultat i të shtënave nga forcat shtypëse të regjimit. Qindra janë plagosur dhe më shumë se 20,000 janë arrestuar.
“Duke qenë vetë dy herë i burgosur politik, e di shumë mirë se sa çmim i lartë po paguhet sot nga protestuesit e guximshëm. Këto sakrifica do të sjellin lirinë për popullin iranian nesër. Ne shohim se kjo mënyrë e protestave kundër regjimit shpërtheu në të 31 provincat e Iranit, në të gjithë vendin, dhe ajo po vazhdon pavarësisht represionit brutal të regjimit dhe arrestimeve të shumta.
“Është e qartë se natyra e organizuar e protestave ka çuar në këmbënguljen dhe qëndrueshmërinë e tyre dhe se anëtarët e Njësive të Rezistencës MEK janë të integruar brenda shoqërisë më të gjerë. Në videoklipet e ndryshme mund të shohim studentë, punonjës, punëtorë, etj., të guximshëm, të cilët hedhin poshtë hapur të gjitha format e diktaturës. Është e qartë se populli iranian gjerësisht e njeh barazinë e plotë gjinore në të gjitha aspektet dhe se ata janë në favor të një republike demokratike të bazuar në ndarjen e fesë nga shteti.
“Ne e dimë se populli trim iranian do të rrëzojë regjimin e mullahëve së shpejti dhe se e gjithë bota demokratike dhe e qytetëruar po ju mbështet. Rezistoni, organizohuni, luftoni, fitoni!”
