Në vigjilje të dy vjetorit të kryengritjes së nëntorit 2019 në Iran, të premten, të shtunën dhe të dielën, më 5-7 nëntor 2021, mbështetësit iranianë të Mujahedin-e Khalq (MEK/PMOI) në 18 qytete të Europës, Amerikës së Veriut, dhe Australisë kanë zhvilluar demonstrata e tubime në nder të 1,500 dëshmorëve të kryengritjes së nëntorit. Protestuesit u bënë thirrje Kombeve të Bashkuara, qeverive europiane dhe amerikane që të nxjerrin para drejtësisë autorët e këtij krimi të tmerrshëm.
Në nëntor 2019, protestuesit e zemëruar kundër diktaturës fetare dolën në rrugët e më shumë se 200 qyteteve të Iranit. Me urdhër të drejtpërdrejtë të Khameneit, Garda Revolucionare qëlloi dhe vrau të paktën 1500 demonstrues brenda pak ditësh.
Tubimet dhe demonstratat u zhvilluan në Paris, Hamburg, Mynih, Frankfurt, Këln, Shtutgart, Stokholm, Gothenburg, Malmo, Amsterdam, Kopenhagë, Oslo, Melburn, Sidnei, Montreal, Toronto, Otava dhe Bukuresht. Mbështetësit e Rezistencës Iraniane ngritën ekspozita të mëdha fotografish dhe përkujtimore të dëshmorëve të Kryengritjes së Nëntorit në të gjitha mitingjet dhe tubimet.
Disa nga sloganet ishin: “Populli iranian kërkon përmbysjen e diktaturës klerikale dhe vendosjen e lirisë dhe demokracisë”, “Për të nderuar 1500 martirët e kryengritjes së nëntorit 2019, mbështetni vazhdimin e luftës së popullit iranian për liri”, “Dënoni shtypjen, torturën dhe ekzekutimin e protestuesve iranianë”, “Kombet e Bashkuara duhet ta njohin masakrën e 1988-ës ndaj 30,000 të burgosurve politikë si gjenocid dhe krim kundër njerëzimit”, “Sakrificat e martirëve të nëntorit 2019 do të mbeten të gjalla në betejën e shokëve të tyre për liri”, “Maryam Rajavi: Le të ngrihemi, me solidaritet kombëtar, ne do ta afrojmë lirinë tonë”, “Massoud Rajavi: Fitorja është e jona, E Nesërmja është e jona”, “Thirrje drejtuar OKB-së, Europës dhe Shteteve të Bashkuara: Ebrahim Raisi dhe Khamenei duhet të gjykohen për gjenocidin e vitit 1988 dhe masakrën e 2019-ës”, “Ebrahim Raisi duhet të ndiqet penalisht për masakrën ndaj mijëra të burgosurve politikë, veçanërisht në vitin 1988”.
