Të enjten në mëngjes, më 28 korrik, megjithë paralajmërimet nga forcat e sigurisë së shtetit, banorët e Baneh dolën nga shtëpitë e tyre për të marrë pjesë në një ceremoni varrimi për një ‘kulbar’ (banorë të varfër që bartin ngarkesa të rënda përtej kufirit për të siguruar jetesën) që ishte vrarë nga regjimenti kufitar i regjimit.
Viktima më e fundit, baba i dy fëmijëve nga qyteti Sardasht, ishte Shirkuh Chavshini.
Nga frika e protestave publike, zyrtarët shtetërorë e varrosën viktimën në mes të natës në prani të një numri të madh agjentësh me rroba civile, por të nesërmen banorët e Baneh erdhën te varri i Chavshinit dhe mbajtën një ceremoni për ta nderuar këtë baba të gjorë punëtor.
Pasditen e së mërkurës, 27 korrik, forcat kriminale të sigurisë së regjimit kanë qëlluar 3 ‘kulbarë’ në postin kufitar të Mele Sartzan në qytetin Bane. Për pasojë ka humbur jetën Shirkuh Chavshini, 32 vjeç, dhe kanë mbetur të plagosur dy të tjerë.
