Mesazh nga znj. Maryam Rajavi, Presidente e zgjedhur e Rezistencës Iraniane për Periudhën Tranzitore që çon në Transferimin e Sovranitetit te Popullit Iranian
Sonë, sundimi absolut klerikal (Velayat-e Faqih) në fakt është shndërruar në një monarki trashëgimore duke vendosur Mojtaba Khamenein në fron. Por kjo nuk mund ta shpëtojë anijen e mbytur të fashizmit fetar.
Edhe një herë, ky regjim, ashtu si diktatura monarkike në 1979, i mungon kredibiliteti dhe legjitimimi në sytë e popullit iranian.
Kjo është edhe një vjedhje dhe uzurpim i sovranitetit të republikës së popullit iranian, duke provuar përsëri se një nepërkë nuk lind pëllumb.
Për më shumë se tre dekada, Mojtaba Khamenei, krahas babait të tij, ka qenë ndër arkitektët kryesorë të shtypjes, eksportit të fundamentalizmit dhe terrorizmit, si dhe plaçkitjes së pasurisë së popullit iranian. Në praktikë, ai prej kohësh ka funksionuar si pasardhës de facto i babait të tij.
Ai mban përgjegjësi për masakrat dhe shtypjen e kryengritjeve popullore, për kontrollin e burimeve dhe ekonomisë së vendit, si dhe për plaçkitjen sistematike të pasurisë kombëtare – duke imponuar shtypjen dhe shfrytëzimin më të ashpër mbi shumicën e iranianëve, veçanërisht gratë dhe klasat punëtore e të pafavorizuara, përfshirë infermieret, mësuesit, punëtorët, fermerët dhe pensionistët.
Megjithatë, populli iranian i zemëruar, që është ngritur në kryengritje të njëpasnjëshme për të rrëzuar këtë regjim, nuk do të tërhiqet para mafias klerikale që sundon Iranin. Fati i Iranit do të shkruhet nga populli i tij.
Rezistenca, kryengritja e organizuar dhe Ushtria Çlirimtare do të kenë rolin vendimtar. Populli iranian ka refuzuar çdo formë diktature dhe kërkon një republikë demokratike bazuar në zgjedhje të lira dhe universale.
Qeveria e përkohshme gjashtëmujore nuk synon të marrë pushtetin, por të transferojë sovranitetin te populli i Iranit në ndjekje të këtij objektivi.
Sekretariati i Këshillit Kombëtar të Rezistencës së Iranit (NCRI)
8 Mars 2026
