Më 10 korrik, Hossein Ali Nayeri, një nga autorët kryesorë të masakrës së vitit 1988, pranoi vrasjen masive të mbi 30,000 të burgosurve politikë. “Në rrethana të tilla kritike, çfarë duhej të bënim? Ne duhej të jepnim vendime me vendosmëri. Ne nuk mund ta drejtonim vendin duke u ofruar atyre përqafime dhe puthje, “tha Nayeri gjatë intervistës së tij me Qendrën e Dokumenteve të Revolucionit Islamik të regjimit (IRDC).
Në verën e vitit 1988, pas një fetwa nga lideri suprem i atëhershëm i regjimit, Ruhollah Khomeini, dhjetëra mijëra të burgosur politikë u dërguan në trekëmbësh. Nëntëdhjetë përqind ishin anëtarë dhe mbështetës të Organizatës së Muxhahedinëve të Popullit të Iranit (PMOI/MEK).
Sipas fetvasë së Khomeinit, “Komisionet e Vdekjes” në të gjithë vendin u formuan me detyrën e likuidimit të të burgosurve që refuzuan t’i dorëzoheshin regjimit dhe qëndruan të palëkundur në besnikërinë e tyre ndaj MEK-ut. Nayeri u ul me presidentin aktual të regjimit Ebrahim Raisi në të ashtuquajturin “Komisioni i Vdekjes” në Teheran dhe ishte kryegjykatësi.
Pranimi i Nayerit nënvizon përsëri nevojën për të mbajtur përgjegjës regjimin gjenocidal të Iranit për krimet e tij kundër njerëzimit. Ngjitja e Ebrahim Raisit në presidencën e regjimit dhe fakti që të gjithë autorët e asaj masakre, si Nayeri, mbrojnë gjenocidin e 1988-ës vetëm sa nxjerr në pah krizën e zymtë të mosndëshkimit në Iran nën regjimin e mullahëve.
Këshilli i OKB-së për të Drejtat e Njeriut duhet të ndërmarrë hapa konkretë për të adresuar krizën e mosndëshkimit sistematik në Iran dhe të bejë përgjegjës regjimin iranian për krime të panumërta kundër njerëzimit.
